LAOAG CITY – Nangirugi manen ti Israel ti air strikes iti Iran, no sadinno a nangngegan dagiti panagbettak iti Tehran
Kuna ti militar ti Israel a dagiti panangraut ket target da dagiti militar ti Iran.
Gapu iti daytoy, natamaan dagiti base militar iti lauden a paset ken abagatan a laud ti Tehran, ngem agingga ita ket ilibak ti media ti estado ti Iran nga adda aniaman a nadadael.
Kuna ti Israel Defence Forces a dagiti panagraut ket kas sungbat iti binulan nga agtultuloy a panagraut manipud iti Iran ken kalpasan ti barrage ti Iranian missiles a nangdungpar iti Israel idi Oktubre 1.
Naipakaammo metten iti Estados Unidos dagiti panangraut sakbay a napasamak daytoy ngem awan ti aniaman a pannakainaigan da iti operasion, segun iti Pentagon.
