LAOAG CITY – Nakastreken ti Israeli Forces iti Al-Shifa Hospital iti Gaza City.
Basar kadagiti sumagmamano nga indibidual nga adda iti uneg a mismo ti ospital, nakita da dagiti tangke ken commando soldiers a simrek iti main emergency department.
Immunan nga inrakurak ti Estados Unidos nga adda ti report a ti Hamas ket addaan ti command center iti Al-Shifa Hospital, ngem naglikudan daytoy ti milintante a grupo.
Mainaig iti daytoy, inpaganetget ti White House a masapol a maprotehiran dagiti pasyente iti nadakamat nga ospital.
Inpetteng pay ti White House a saan da a kayat a makita nga adda ti mapasamak a rinnupak iti nasao nga ospital a mabalin a pakaisagmakan dagiti pasyente ken dagiti agpapaay iti balay-pagagasan.
