LAOAG CITY – Tinagabassit laeng ni Israeli Prime Minister Benjamin Netanyahu ti pangta ti Estados Unidos nga isardengda pay laeng ti panagsuplay dagiti armas ken bomba.
Inbatadna nga itultuloyda ti military operations iti Rafah.
Kunana a kabaelanda a tumakder nga agmaymaysa iti baet a saanda a kasapulan ti tulong manipod iti sabali a pagilian.
Maipalagip nga insardeng ti Estados Unidos ti panagsuplay dagiti bomba ken dagiti armas iti Israel gapu iti panagamakda a panangraut ti Israel iti Rafah City.
