LAOAG CITY – Kinondenar ni Israeli Prime Minister Benjamin Netanyahu dagiti pagilian a mangbigbig iti Palestine kas estado.
Kinunana a ti panangbigbig iti pagilyan ti Palestine ket mangipasimudaag nga arigna pab-paboran da ti Hamas ken supsuportaranda dagiti terorismo.
Maipalagip nga immuna nga inpablaak dagiti pagilian ti Ireland, Spain ken Norway nga epektibo inton Mayo 28 a pormal a bigbigenda ti Palestine kas estado.
Inpakaammo ni Norwegian Foreign Minister Espen Barth Eide a nasinged a pagayamda ti Israel ngem adda met karbengan ti pagilianda nga agdesisyon ti umno.
Innayon ni Barth Eide a ti suportada kadagiti Palestinian Authorities ket naggapu iti inpasimudaag ti Palestine Liberation Organization.
Mainaig iti daytoy, inpettengna pay a saanda a suportaran ti Hamas gapu ta ti ar-aramidenda ket anti-Hamas.
