LAOAG CITY – Nakasagana a mangawat ni Israeli Prime Minister Benjamin Netanyahu ti aniaman a personal a panagatake basta makaawat da kadagiti bala ken armas manipod iti Estados Unidos.
Inbatad na a normal laeng nga ado ti pammabalaw a maawat iti napaigetan a kampanya da kontra iti Hamas.
Nupay kasta, inpetteng na a napateg paylaeng ti tulong dagiti armas ken bala manipod iti Estados Unidos tapno naan-anay a malabanan dagiti Hamas militants.
Maipalagip nga inrakurak ni White House national security spokesperson John Kirby ti pannakadismaya na ken binabalaw na ni Israeli Prime Minister gapu iti saan a nainkalintegan a kampanya da konra kadagiti Hamas.
