LAOAG CITY – Nausaren iti umuna a gundaway ti Philippine Army ti baro a nagatang a Sabrah light tanks iti live fire phase ti Combined Arms Training Exercise “Katihan” iti Crow Valley idiay Capas, Tarlac.
Gagem ti live fire drills a padasen ti kapabilidad ti Army para iti combined arms operations.
Inbatad ni Brig. Gen. Michael Logico, CATEX Katihan exercise director, ti Sabrah light tanks ket armado ti 105 mm cannons.
Pormal nga inawat ti Philippine Army ti Israeli-made tanks iti napalabas a tawen no sadinno a ti panaggatang iti daytoy ket paset ti Horizon 2 ti modernization program ti Armed Forces of the Philippines.
Inusar ti nasao nge exercise ti dadduma pay a major assets ti Army kas ti ATMOS 105 mm Howitzers ken 81 mm ken 60 mm mortars.
Kuna ni Logico, kalikagum ti drill a papigsaen ti panagsagsagana ti Army a labanan dagiti pangta ken papigsaen ti precision ken tactical proficiency ti nagduduma nga units.
