LAOAG CITY – Inpakaammo ti Hamas-run ministry of health a 30 nga indibidual ti natay ken nasurok 100 nga indibidual ti nasugatan iti maysa nga eskuelaan iti asideg ti Deir al-Balah, siudad iti central Gaza, gapu iti panagbomba ti militar ti Israel.
Inbatad ti Israel Defence Forces (IDF) nga adda ti Hamas command and control center iti uneg ti Khadija School.
Innayon ti Israel Defence Forces nga us-usaren ti Hamas ti lugar kas paglemmengan, lugar a pagplano para kadagiti panangraut, ken pagidulinan kadagiti armas.
Kabayatanna, segun iti health ministry ti Gaza, dagiti biktima ket sibilian ken kaaduan kadagitoy ket ubbing.
