LAOAG CITY – Agtalinaed dagiti tropa ti Israel kadagiti maaw-awagan ti security zones nga inpasdek da iti babaen ti panangagaw da kadagiti dadakkel a lugar ti Gaza uray nalpasen ti gubat.

Inbatad ni Israeli Defence minister Israel Katz a dagiti zones ket mangipaay ti “buffer” tapno protehiran dagiti komunidad iti Israel iti aniaman a temporaryo wenno permanent situation ken ti 10 a porsiento ti Palestinian territory ket nainayun sipud pay intuloy ti Israel ti opensiba na addan tallo a lawas ti napalabas.

Inpalgak na nga itultuloy da ti innem a lawas a blockade ti humanitarian aid tapno mapressure ti Hamas a mangwaya-waya kadagiti hostages da iti baet ti ballaag ti United Nations a “devastating” consequences.