LAOAG CITY – Mai-launch ti kabbaro a proyekto ti Ilocos Norte Youth Development Office nga addaan ti titulo nga “Isukat Tayo Dagiti Basura Tayo Para iti Bagas”.
Daytoy ket maysa kadagiti proyekto ti Movement Against Plastic Pollution nga agtultuloy a kampanya da nga idadaulwan ni Miss Particia Dacanay.
Segun kenni Dacanay, mai-launch daytoy intono Enero 5, 2019 ekn dagiti mechanics ket maysa nga eco bricks ket agbalin a maysa a kilo a bagas.
Naamoan a ti iskedyul iti panag-claim ket kalpasan ti clean up drive a maisayangkat iti mamindua iti kada bulan.
Inbatad na pay a ti maximum a maipaay iti kada pamilya iti kada bulan ket dua a kilo ti bagas.
Kunana a silulukat ti organisasyon da kadagiti amin a youth volunteers a makipagtinnulong ti kampanya da para iti nalinis nga aglawlaw kasta met ti maited a tulong kadagiti agkasapulan.
