LAOAG CITY – Inbatad ni Market Supt. Julie Anne Quiroga nga itultuloy da ti agimbestigar mainaig iti isyu a maibatbato kontra ken ni Darlene Deuz, dati a revenue collector ditoy ciudad ti Laoag.
Daytoy ket mainaig pay laeng ti panagsingsingir ni Deuz kadagiti aglaklako iti tiendaan itay kallabes nga awan ti in-inted na a resibo.
Immunan nga inbatad ni Deuz a saan a nakaipaay ti resibo gapu ta installment ti panagbayad dagiti maseknan.
Kuna na nga umabot ti 40 a ribo a pisos ti bayadan ti maysa a tenant depende iti kalawa ti stall da ken iremit da iti Terasury Office apaman a makakolektar.
Nupay kasta, inpetteng ni Quiroga nga itultuloy da ti agimbestigar tapno maamoan ti kinapudno ken malawlawagan ti nasao nga isyu.
