LAOAG CITY – Nakadanonen iti Office of the President ti isyu ti pannakailako dagiti scrap metals manipod iti lokal a gobyerno ditoy ciudad ti Laoag.
Segun kenni Vice Mayor Vicentito Lazo, inpadanon ti saan a nagpabigbig a complainant a maysa nga heavy equipment ken lanlandok ti maysa a tanke iti nailako.
Inbatad ni Lazo a naikkan ti 48 nga oras iti City Engineering Office nga agpalawag mainaig iti nasao a banag.
Kunana a saan na a mautob a mailako iti sibubukel a heavy equipment.
Maipalagip a naglikudan ni Engr. Manuel Aurelio, assistant engineer iti City Engineering Office iti pannakilako dagiti landok iti maysa a junkshop iti Brgy. 2 ditoy siudad agsipod ta a saanen a kukua ti lokal a gobyerno dagitoy.
Inbatad na a dagiti nacodemn nga equipment iti kallabes ket naiauction dagitoy ket nagatang ti agnagan ti Ben Carreon, maysa a bidder ken taga Tarlac.
Naglikodan na nga immabot iti 80 na ribo a pisos ti napaglakuan da kadagiti landok ngem ketdi 40 a ribo a pisos laeng nupay adda ti imbestigasyon ti Bombo Radyo a nagpauna ti akin kukua ti junkshop ti 50 a ribo a pisos ken insaruno na ti 30 a ribo a pisos kalpasan ti sumagmamano nga aldaw.
