LAOAG CITY – Masapol nga agbalin a naannad iti panagusar ti social media kangrunaan na dagiti desktop computers.
Daytoy ti nagbalin a balakad ni Mr. Franz Felipe, ti Information Officer iti gobierno lokal ditoy ciudad ti Laoag tapno maliklikan ti pannakaluko wenno panagbalin a biktima dagiti scammers.
Inlawlawag na a saan a basta aglukat kadagiti nagduduma nga aplikasyon ken kitaen a naimbag dagiti iyin-instular iti cellphone, desktop wenno laptop.
Innayon na nga agannad pay kadagiti email a maaw-awat no sadinno a saan a dagus a luklukatan no saan nga ammo ti naggapwan na.
Mainaig iti daytoy, kuna ni Felipe a saan a basta agited ti personal nga impormasyon gapu ta mabalin nga usaren dagiti scammers iti illegal nga aktibidad.
