LAOAG CITY – Ad-adda a marigatan dagiti Pilipino a mangmangged iti Italya gapu ti plano ti gobyerno ti nasao a pagilian a maiyalud-od ti lockdown.
Iti report ni Bombo International News Correspondent Demetrio Rafanan iti Rome, Italy, ad-addalenen ti gobyerno ti Italya nga iyalud-lod ti lockdown iti pagilian da gapu ti napaspas a panagwaras ti coronavirus disease 2019 wenno COVID-19.
Kuna na a dagiti marigatang a Pilipino ket dagiti bassit ti naurnong na a kuarta a paggatang da kadagiti kasapulan iti inaldaw.
Maipalagip nga agngudo ti lockdown idiay Italya intono Abril 3 ngem possible a maiyalud-od daytoy.
Itay bigat ket naartapan ti Italya ti pagilian a China ti bilang dagiti pimmusay gapu ti COVID-19 gapu ta immabot ti 427 ti naimaldit a pimmusay kalpasan ti 24 nga oras.
Umaboten ni 3,405 ti bilang dagiti pimmusay iti Italya ken nasurok 41 a ribo ti kaso ti COVID-19
