LAOAG CITY – Personal a binisita ni Italian Prime Minister Georgia Meloni ni Pope Francis iti Gemelli hospital idiay Rome.
Inbatad ni Meloni a naragsak ti Santo Papa idi nakitana isuna no sadinno nga alerto daytoy ken responsive.
Kunana a making-angaw pay ti agtawen ti 88 a Santo Papa ken masansan nga agkatkatawa
Nagkararag para iti al-alisto a panagimbag ti Santo Papa ken pagsayaatan ti gobierno ken dagiti umili idiay Italy.
Maipalagip nga iti napalabas a lawas ket naitaray iti balay-pagagasan ti Argentinian Pope gapu iti bronchitis.
Naammoan a kalpasan ti konsultasion ti Santo Papa ket rimmuar a naaddaan daytoy ti pneumonia isu nga inabisoan isuna dagiti doktor ti nayon nga agas ken panaginana.
Kabayatanna, naruay a deboto ti nagturong iti ruar ti ospital ket nangisayangkat ti vigil, nagsindi ti kandela ken nangibati pay ti surat para iti Santo Papa iti al-alisto a panagimbagna.
