LAOAG CITY – Masansan a pammigat dagiti tattao ti prito nga itlog, omellete man wenno sunny side up daytoy.
Malaksid iti daytoy, ti maysa kadagiti pammigat a maidasdasar tunggal bigat ket adda ti laokna nga itlog kas ti pancake, muffin, burrito ken dadduma pay.
Ti itlog ket maysa kadagiti nalatak ken accessible source ti protein a mangipapaay ti pigsa para iti maysa nga atiddog nga aldaw.
Segun ken ni Nutrition Expert Dr. Kellyann Petrucci, adu a nutrients ti itlog ken addaan pay ti essential compounds a makatulong tapno maaddaan ti healthy diet kas ti choline ken maliklikan ti depresyon ken managlilipat.
Naammoan a ti itlog ket good sources ti riboflavin, iron, zinc, folate, phosphorous ken vitamins A, D, B6 ken B12 a kasla multivitamin.
