LAOAG CITY – Kinumpirmaran ni Barangay Chairman Oliver Valite iti Barangay Naglicuan iti ili ti Pasuquin a nagpissan dagiti itlog ti pawikan a nagitlog iti igid ti baybay itay kallabes.
Segun kenni Valite, napan nagitlog ti pawikan idi Oktubre 15 ken nagitlog daytoy ti 97, kalpasan ti 52 nga aldaw ken 15 ti napisaaan.
Inlawlawag na a kalpasan a nakita da a nagpissan dagiti itlog ket dagus na nga inpakammo iti DENR ken inbalakad ti nasao nga ahensya a masapol a maisubli iti baybay.
Ummuna iti daytoy, idi nagitlog ti pawikan ket inyakar da iti nataltalged a lugar gapo ta no asideg dagiti itlog iti baybay ket mabalin a maiyanod met laeng.
Naamoan a dagiti babassit a pawikan ket 2 a pulgada ti kaatiddog na ken 1 1/2 incehs ti kaakaba na.
