LAOAG CITY – Inlawlawag ni Dr. Loida Valenzuela, provincial veterinarian a ti ivermectin ket agas nga us-usaren dagiti beterinaryo a mangagas kadagiti taraken.
Segun kenni Valenzuela, ti ivermectin ket agas iti heart worm dagiti aso wenno mabalin nga umabot pay itibara isut gapo na nga aguy-uyek dagiti taraken.
Kunana a ti ivermectin ket dakkel a tulong kadagiti taraken ken maysa kadagiti epekto daytoy iti ayop ket ti pammagi dagitoy.
Inbatad na a daytoy nga agas ket para iti taraken ken awan pay ti pammaneknek a mausar a panaglaban iti covid-19.
Mainaig iti daytoy, para kenni Valenzuela, posible a dagiti beterinaryo iti nagduduma a pagilyan ket pinadas da a kinita wenno inadal ken adda ti nakita da a mabalin a pangkontra iti virus.
