LAOAG CITY – Napadayawan ni Jail Inspector Shiela Marie Sapaden iti Bureau of Jail Management and Penology ditoy siudad ti Laoag kas Best City Jail Warden 2024 iti City Jail category ken Best City Jail Warden 2024 iti Regional Level.
Dakkel ti panagyaman ni Sapaden kadagiti kakaduana iti Bureau of Jail Management and Penology gapu ta kinunana a saanna magun-od daytoy a balligi no awan ti suporta ken panagtitinnulongda.
Kinunana a napateg ti respeto ken suporta iti tunggal maysa tapno agballigi.
Naibasar ti pammadayaw babaen iti nagduduma a criteria kas iti panagipasa ti compliance report, kasanoda makikoordinar kadagiti lokal a gobierno, pannakaiyuswat ti nagduduma nga aktibidad, pannagipaay ti suporta ken panagidiaya iti nagduduma nga skills nangruna kadagiti estudyante.
