LAOAG CITY – Naitampok ti kinalaing dagiti estudiante ditoy Ilocos Norte kalpasan ti pannakaisayangkat ti Super Spelling Bee 2026 iti dakkel a mall ditoy siudad ti Laoag.
Segun ken ni Ms. Gab De Luna, Information Officer iti nasao a mall nga umabot iti 68 nga estudiante ti nakipartisipar manipud iti DepEd Ilocos Norte, DepEd Batac ken DepEd Laoag.
Inbatadna a ditoy a naipaay ti nagduduma a sarita nga in-spell dagiti partisipante.
Kalpasan ti sumagmamano a written ken oral rounds, nabigbig ni Jaimie Austinzen Chan, maysa a Grade 5 student manipud iti Divine World College of Laoag ken ni Aliyah Faryl Dela Cruz, Grade 6 student manipud iti The Living Gates of Praise Christian School, Inc., ti naideklarar a kampoen.
Segun ken ni De Luna a dagitoy ket naadaanda ti oportunidad a sumrek iti Regional Semi-Finals, a maisayangkat inton Oktubre 17, 2026
Kunana nga isuda ti mangirepresentar ti siudad ti Laoag kontra kadagiti nagduduma nga ubbing manipud iti nagduduma a lugar ditoy rehiyon.
Innayonna a no agballigida ket sumrekda iti national no sadinno a mabalinda a mangabak ti ₱5 million a balor dagiti papremyo, pakairamanan ti kwarta, Gift Certificates, College scholarships from National University, gift cards, gadgets ken dadduma pay.
Inbatadna a ti nasao a kompetision ket nangipaay ti opurtunidad kadagiti agtutubo a maipakaita ti kinalaingda iti spelling.
Kabayatanna, daytoyen ti maika-duan a gundaway a naiwayat daytoy ditoy probinsia no sadinno nga ti immununan a nangabak iti kallabes ket ti estudiante manipud iti Mariano Marcos State University Laboratory High School iti siudad ti Batac.
