LAOAG CITY – Nasurok a makabulan kalpasan ti kontrobersya iti nagbabaetan da Maris Racal, Anthony Jennings ken Jam Villanueva ket nagsaritan daytoy mainaig iti panagpakawan.
Segun kenni Jam, awanen ti koneksyon na kadagiti tattao a karaman iti issue ken ti plano na ket agfocus iti bagbagi na kasta met iti karera na.
Inlawlawag na a saan nga alisto ti proseso iti panagpakawan ngem isu ti kayat na nga aramiden.
Inbatad na a napateg kenkuana ti panangipaay ti pammakawan nangruna no dagiti nakabasol ket nagkiddaw iti daytoy.
Maipalagip nga iti napalabas a tawen ket inbutaktak ni Jam ti maipagarop a panangluko kenkuana ni Anthony ken Maris ken inpost na dagiti screenshots ti saritaan dagiti dua.
