LAOAG CITY — Pinasingkedan ti aktor a ni James Reid ti panagsublina iti panagakto kalpasan ti sumagmamano a tawen a panagbakasionna iti produksion ti pelikula ken serye.
Daytoy ket kalpasan a nagsina da ken ni Nadine Lustre.
Segun iti aktor, uray no mailiw isuna iti panagakto iti sanguanan ti camera, ket saanna kayat a sawen nga agsubli daytoy iti maysa a love-team.
Innayon ti aktor a planona ti agsubli iti panagakto kalpasan ti panag-explore-na iti musika.
Kabayatanna, saan nga agababawi ti aktor a simrek iti musika, ken naragsak iti agdama a kasasaadna.
