LAOAG CITY – Impakaammo ni James Reid a kayatna a mangirugi iti pamilian ken maaddaan iti anak iti nobiana a ni Issa Pressman iti rare moment-na iti Careless Music studio-na idiay Makati City.
Prangka nga inbatad ni James maipapan iti “Indiana,” maysa a nauneg a personal a kanta manipud iti kaudian nga albumna a “Honey, I’m Home,” a kaduana a nagsurat ket ni Issa no sadinno a idedikarna daytoy iti masanguanan nga anakda.
Inadmitirna pay a ti kanta ti nangipaay kenkuana ti pagmenna-mennaan a maaddaan iti anak nga agbalin a sentro ti biagna.
Idi napagsaludsodan daytoy no ania a kita ti ama ti kayatna iti masanguanan, kinunana a kayatna ti agbalin a kita ti tao a mangipaay iti lugar tapno marikna ti anakna a natalged, napno ti ayat, ken secure daytoy.
Innayon pay ti music actor a natalna daytoy ita kalpasan dagiti sumagmamano a karit iti napalabas iti personal a biagna.
