LAOAG CITY – Sinentensyaan ti Sandiganbayan ti negosyante a ni Janet Lim Napoles iti 64 a tawen kalpasan a naduktalan a guilty iti graft ken uppat a bilang ti malversation of public funds.
Ti nasao a kaso ket adda ti pakainaigan na iti illegal disbursement iti agarop P20 million manipud iti Priority Development Assistance Fund (PDAF), wenno pork barrel, ni dati a South Cotabato Representative Arthur Pingoy.
Iti 57 a pinanid ti desisyon ti Special Second Division a nakaala ti 3-2 vote, nasentensyaan ni Napoles ti agarop 40 a tawen a pannakaibaod gapo iti malversation of public funds conviction ken 24 a tawen iti pannakakumbiktar na iti uppat a bilang ti graft.
Iti nasao met laeng a desisyon ket nadalusan dagiti pada nga nga akusado a public officials.
Mainaig iti daytoy, inbatad ni Atty. Rony Garay, ti abogado ni Napoles nga iyapela da ti desisyon no sadinno magipila da ti motion for reconsideration.
Inpetteng na nga awan ti public official a nakumbiktaran ngem ti krimen ket naaramid ti public official.
