LAOAG CITY – Maysa a kompania idiay Japan ti nangipakita ti naidumduma nga ideya iti panagusar ti popcorn kas alternatibo kadagiti tradisional a packaging materials kas ti bubblewrap, styrofoam ken karton.
Iti Kochi City, nabigbig ti Azechi Foods, maysa nga agar-aramid ti popcorn ken wholesaler ti sitsirya gapu iti naidumduma a wagas daytoy iti panagusar ti popcorn saan laeng a para iti taraon no di ket tapno mangprotehir pay kadagiti package.
Ti nasao nga ideya ket inlungalong ti Manager ti kompania a ni Shihoko Wada kalpasan a nakaala ti inspirasion manipud iti maysa a seminar a maysa a laptop repair technician ti agus-usar ti sitsirya kas packaging filler.
Inbatad ni Wada, ti panagusar ti popcorn ket saaen laeng a mangpanayon iti kinaragsak kadagiti kustomer no di ket tumultulong pay a makissayan dagiti basura.
