LAOAG CITY – Sumango iti posible a sexual harassment charges ti maysa a Japanese fan kalpasan a binisongna nga awan ti consent ti oldest member ti sikat a South Korean boy band a BTS a ni Kim Seok-jin iti maysa a fan event.
Basar iti South Korea police iti Songpa station iti Seoul, pina-summon ti nasao a Japanese national para iti questioning kageddan ti naawatda nga online complaint.
Saan metten nga inbuksilan ti police station ti pakabigbigan ti nasao a Japanese national gapu iti privacy concerns ngem basar iti media reports, nakumpirmaranen ti kapulisan ti pakabigbigan ti babai iti tulong ti Japanese police no sadinno nga agtawen ti 50 daytoy ken nagkedked a sumungbat kadagiti saludsod.
Iti baet daytoy, nangiwayat ti imbestigasion ti South Korean Police iti nasao a reklamo ken nagkedked a mangipaay pay laeng ti nayon a detalye kabayatan nga agtultuloy ti imbestigasion.
