LAOAG CITY – Nakaimaldit ti baro a Guinness World record ti Japanese ice cream brand a Cellato gapo iti kangina na nga agbalor ti 880,000 yen.
Kinumpirmaran ti Guinness organization iti napalabas a bulan a ti ice cream a Byakuya ti akin-iggem iti titulo a “World’s Most Expensive Ice Cream”.
Ti Byakuya ket naaramid babaen iti gatas, dua a klase ti keso, egg yolks, ken sake leek ken addaan ti toppings a Parmigiano cheese, white truffle, truffle oil, ken gold leaf.
Agbalor met ti Byakuya ti 880,000 yen iti kada 130ml no sadinno ket nakaipan iti elegante a nangisit a kahon ken addaan payen ti kutsara nga handmade dagiti metal craftsmen manipud iti Kyoto.
Ado dagiti nangipagarop a ti kutsara ti rason no apay a nangina ti ice cream ngem naduktalan a ti toppings na a white truffle ti kanginaan a ramen gapo ta inangkat da pay manipud iti Alba, Italy.
