LAOAG CITY – Naiyakaren ti dati a TV host a ni Jay Sonza manipod iti kustodiyar ti National Bureau of Investigation (NBI) iti Pasay City naiturong iti pasilidad na iti New Bilibid Prison.
Segun ken ni Atty. Mark Tolentino, nasayaat ti kasasaad ni Sonza ken agtultuloy a tututukan da dagiti legal nga addang tapno maprotehuran dagiti karbengan na.
Kuna ni Tolentino nga iti baet dagiti pannubok ket nagtalinaed da a natibker para ti hustisya, due process ken para iti kinapudno.
Maipalagip a naarestar ni Sonza idi rabii tiHuwebes iti Quezon City basar iti warrant nga inparuk-at ti Pasay Regional Trial Court Branch 118.
Sumangsango ni Sonza iti kaso a panaglabsing iti Article 154 ti Revised Penal Code, mainaig iti unlawful use of means of publication ken unlawful utterances ti Cybercrime Prevention Act of 2012.
Adda ti pakainaigan daytoy ti maipagarop a panagpost na ti peke a damag mainaig iti salun-at ni Presidente Ferdinand Marcos Jr.
