LAOAG CITY – Maysa ni Jean Garcia kadagiti kalatakan a kontrabida iti telebision iti henerasionna.
Naruayen ti natungpa ti beterana nga aktres kadagiti nagdududma a proyekto.
Inbatad ni Jean a no dadduma ket mababain daytoyen no daydaywen dagiti katrabahoanna ken agbuybuya iti kinalaingna nga agtungpa iti eksena ti drama.
Inlawlawag ti aktres nga ad-adalenna a naimbag no kasano a saan unay a masaktan dagiti katrabahoanna.
Kunana nga ammona no ayanno a paset ti rupa ti nasken a tungpaenna.
Naiget nga ad-adalen ni Jean ti tunggal eksena nga aramidenna tapno maliklikan nga agsinnakitda kadagiti katrabahoanna.
Innayon pay ti aktres a masapol a suroten ken tungpalen a naimbag no ania laeng ti ipapaaramid ti direktor kadagiti eksena.
