LAOAG CITY – Mangnamnama ni Mr. Jonathan Salvador, jeepney driver iti rota a Laoag-Gabu ditoy ciudad ti Laoag a tungpalen ni Presidente Ferdinand Marcos Jr. ti inkari na idi kadakuada.
Daytoy ket mainaig iti saan a pannakaikkat dagiti daan a pampasahero a lugan tapno mapagbalin a modernize dagitoy.
Segun ken ni Salvador, inbaga kadakuada idi ti presidente a saan a mabalin a sukatan uray sumagmamano a tawen dagiti daan a lugan basta napintas paylaeng ti kondisyon da.
Gapu iti daytoy, namnamaen ni Salvador a matungpal ni Presidente Marcos ti inkari na tapno ado pay a pamilya ti matulungan mainaig iti mapaspasangasangan a pannaka-modernize dagiti daan a pampubliko a lugan.
Inpalgak na a saanda a kabaelan ti mangala ti modernized ti jeep gapu tan angina no sadinno nga umabot iti 2-milyon a pisos.
