LAOAG CITY – Inpalgak ni Mr. Pedro Tungpalan, jeepney driver iti rota a Laoag-Sarrat a saan a makontento iti nagbabaan ti presyo ti diesel a P6.10
Inlawlawag na a maibabbaba koma pay ti presyo ti nasao a produkto wenno maisubli daydi dati a presyo na a nasurok nga 40 a pisos iti kada litro.
Kuna na nga iti baet a naipalubusen ti 100% capacity ket 70% capacity ti ipatpatungpal da gapu ta bassit paylaeng ti pasahero ken mabayag da unay nga agpila isunga nagtalinaed a 20 a pisos ti plete.
Inpakaammo na a mamintallo da laeng nga agbiyahe iti agmalem no sadinno a ti maikrudo da ket agarop 500 a pisos.
