LAOAG CITY – Natiliw ti agnagan ti Jerald Real, agtawen ti 37, maysa a jeeney driver ken residente ti Barangay Sta. Ana iti ili a Solsona, Ilocos Norte.
Daytoy ket kalpasan ti panagresponde dagiti kameng ti PNP-Solsona gapo iti panagprobokar na iti pagtaengan da.
Kinumpirmaran ni Police Inspector Ralph Dayag, chief of police ti PNP-Solsona a ti suspek ket reapet offender iti panagprobokar.
Inbatad met ni Barangay Chairman Nestor del Castillo nga addan dagiti ummuna a napasamak a panagprobokar na.
Gapo iti daytoy, kinapkapan dagiti pulis ti bulsa ni Real ket ditoy a nakarekobre da ti tallo nga stick ti sigarilyo, maysa a sachet a naglaon ti maipagarop a napagango a bulong ti marijuana ken paraphernalia.
Mainiag iti daytoy, naiget a naglikudan ni Real a kukua na ti nakumpiskar kenkuana ken kunana a ti laeng bisyo na ket aginom uray iti bigbigat.
Kunana nga inungtan na laeng dagiti annak na isu gapo na a nagprobokar.
Innayon na a nakasagana a dumalan ti drug test tapno mapaneknekan no agus-usar ti droga wenno saan.
