LAOAG CITY – Maluksaw dagiti sumagmamano a jeepney driver ditoy Ilocos Norte gapu ta saan a nairaman ti probinsya kadagiti lugar a nanayunan ti maysa a piso ti plete iti pampasahero a jeep.
Iti pannakainnuman ti Bombo Radyo kadagiti jeepney drivers, adda dagiti nangibaga a masapol a sapasap koma ti pakaipangatoan ti plete.
Gapu ti daytoy, plano dagiti maseknan nga iyuman daytoy a banag iti biang ti Land Transporation Franchising and Regulatory Board (LTFRB).
Kabayatanna, adda met dagiti driver ti pampasahero a jeep a nangibaga a saan da a kontraen ti maysa a piso a pakaipangatoan ti plete iti pampasahero a jeep gapu ta ti napateg ket nanayunan.
