LAOAG CITY – Umanamong ni Mr. Reynaldo Calixto, Treasurer ken driver iti Laoag-Gabu Terminal iti resolusyon ti Senado a panangsuspenso iti Public Utility Vehicles Modernization Program (PUVMP).
Segun ken ni Calixto, nasaysayaat no masuspenso ti nasao a programa gapu ta saan da a kabaelan ti presio ti maysa a modern jeep.
Kunana a maysa pay a problema da ket dagiti tricycle driver, gapu ta agala da latta ti pasaheros da kadagiti national roads, ket no awan ti pasahero da ket malugi da.
Nu pay kasta, inpetteng met ni Calixto a napintas para kadagiti addaanen ti modern jeep ti Public Utility Vehicles Modernization Program (PUVMP) ken saan da a mababalaw isuda no mangisayangkatda ti unity walk wenno rally.
Kabayatanna, kinumpirmaran na a naka-consolidate dan ngem agpapan itatta ket awan pay ti nakaala a driver iti Laoag-Gabu Terminal ti unit.
