LAOAG CITY – Nagikkat ni Jeff Cheng kas team manager ti Philippine women’s National football team.
Daytoy ti impakaammo ti Director of National Teams ti Philippine Football Federation.
Segun iti ahensya, inaramidda ti amin a kabaelanda a mangurnos iti aniaman a parikut ngem saanda a nabalinan.
Kinunada a saan a kapada ti prioridad ken arapaapna iti Philippine Football Federation.
Inpakaammo ni Philippine Football Federation director of national teams Freddy Gonzalez nga inawatda ti desision ni Cheng.
Maipalagip nag idi Nobiembre 2023, nagbubutos ti Philippine Football Federation iti baro a liderato babaen ken ni John Anthony Gutierrez a mangsukat ken ni Mariano “Nonong” Araneta.
Iti sidong ni Cheng, nakairekord ti Pilipinas iti sumagmamano a balligi kas iti 2023 FIFA Women’s World Cup idi inabakda ti co-host New Zealand ken iti 2021 Southeast Asian Games no sadinno a nangabakda iti bronze medal.
Malaksid iti daytoy ket nangabak pay ti pagilian iti 2022 ASEAN Football Federation Women’s Championship.
