LAOAG CITY – Inpetteng ti music dj ken vlogger a ni Jellie Aw a saanna nga isanod ti kaso kontra iti datina a fiance a ni Jam Ignacio.
Inbatadna nga awan ti kinapudnona dagiti rumrummuar a damag nga ibabawina ti inpilana iti National Bureau of Investigation (NBI).
Kunana a masapol laeng a maikkan ti pagmennamennaan ti datina a fiance-na.
Maipalagip a dinangran ni Ignacio ti vlogger kabayatan nga addada iti lugan ken nakalibas laeng daytoy idi nakadanonda iti expressway.
