LAOAG CITY – Nangrugin ti taping ni Jennylyn Mercado para iti serye a Sanggang Dikit.
Segun iti Kapuso actress nga arig agdadamo manen isuna iti panangaramid ti serye.
Inbatadna a no umuna nga aldaw ket saan a maliklikan nga adda ti panagdanag ken saan unay a maikabesa ti linya iti rugrugina.
Naammoan a ti asawa ti aktres a ni Dennis Trillo ti maminsan manen a makatrabahona iti baro nga action-drama series ti Kapuso network.
Nagbalin a naiget ti panagsagsagana da Jennylyn ken Dennis tapno maaramid a nasayaat dagiti makapatengngel-anges nga eksena.
