LAOAG CITY – Naikeddeng nga iretiron ti Golden State Warriors ti number 9 jersey ni Andre Iguodala.
Basar iti koponan, maiwayat daytoy iti labanda ti Dallas Mavericks inton Pebrero 23.
Naiyuswat ti rakurak kageddan ti maika-41 a panagkasangay ni Iguodala.
Ti 6-foot-6 player ket maikapito nga umaayam iti pakasaritaan ti Warriors nga iretironan ti jersey-na kaduana da Wilt Chamberlain, Chris Mullin, Nate Thurmond, Alvin Attles, Rick Barry ken Tom Meschery.
Karaman isuna a nagkampeon ti Warriors idi 2015, 2017, 2018 ken 2022 no sadinno a nagun-odna ti Finals Most Valuable Player awards iti umuna a kampeonato ti koponan.
Nagretiro ni Igoudala idi Oktubre 2023 kalpasan a nagsagaba ti sumagmamano a sugat.
Addaan daytoy ti average a 16. 3 points, 5.8 rebounds, 4 assists ken 1.3 steals iti tunggal ay-ayam.
