LAOAG CITY – Nangipatulod ti Jesus Reigns ti Ilocos Norte ti open letter iti opisina ni Vice Governor Cecilia Araneta Marcos seknan iti isyu ti Sexual Orientation Gender Identity and Expression wenno Anti-Discrimination Bill.
Nailanad iti open letter ti panangkontra da iti pannakaipasa ti nasao a gakat.
Sumagmamano pay a nailanad mainaig iti panangkontra iti konstitusyon, pannakabalabliw ti kaipapanan ti panagkasar ken dadduma pay.
Pinirmaan daytoy ti chairman ti Jesus Reigns ti Ilocos Norte a ni Charlie Remigo Ortal pakairamanan ti Vice Chairman ken dadduma pay nga adda iti babaen na.
Mainaig iti daytoy, saan met a nangipaay ti anyaman a reaksyon ti bise gobernador seknan iti nasao a banag.
Nupay kasta, inpasingked na na nga aksyunan daytoy ti hunta probinsyal.
Maipalagip a ti lungalong a pannakaipasa ti SOGIE Bill ket saan pay a naipursige iti Kongreso kalpasan a nakaitunda ti nagduduma a negatibo a reaksyon iti publiko.
