LAOAG CITY – Sinuspenso ti Miami Heat ti forward-da a ni Jimmy Butler kalpasan a saan a nairaman iti flight ti koponan.
Daytoy ti maikadua a daras a nasuspenso ni Butler iti uneg ti tallo a lawas.
Basar iti koponan, arig saan nga ikankano ni Butler ti pagannurotan ti koponan ken saan a sumursurot iti team manager pakairamanan ti saan a pannakairaman iti flight nga agturong iti Milwaukee.
Idi Biernes laeng idi makasubli iti panagay-ayam ti six-time NBA All-Star kalpasan ti pito nga aldaw a pannakasuspenso daytoy.
Immuna daytoy a nasuspenso kalpasan ti nagbalin a rakurakna a kalikagumna nga agpa-trade iti sabali a koponan.
