LAOAG CITY – Inpakaammo ni Mr. John Paul Marbella, ti information office iti Department of Labor and Employment (DOLE) Region 1 a ballaigi ti naiyuswat a Jobs Fair idi kalman kageddan ti selberasyon ti maika-124 nga Independence Day.
Segun ken ni Marbella, adda ti 2,507 a registered applicants kadagiti uppat a lugar a nakaiyuswat ti Job Fair.
Daytoy ket partikular iti San Fernado City, La Union, Candon, Ilocos Sur; Dagupan City, Pangasinan ken iti Alaminos City, Pangasinan.
Inpakaammo ni Marbella a manipod iti nasao a bilang ket 224 dagiti hired on the spot wenno dagiti dagiti dagus a naala iti trabaho apaman a nagaplikar da kabayatan ti job fair.
Mainaig iti daytoy, kuna na nga ado dagiti nagaplikar para iti trabaho iti ballasiw taaw ken umabot iti 800.
Inbatad na nga iti nasoa a bilang ket 400 dagiti kwalipikado ken ti dadduma ket ti “near hires” wenno a masapol da laengen a dumalan iti ebalwasyon ken maipatulod da iti abroad.
Naamoan a 16,230 dagiti bakante a trabaho a naidiaya idi Independence Day nu sadino nga 11,698 ti pakabuklan a bilang ti local jobs, 4,532 iti overseas jobs ken 128 dagiti employer.
