LAOAG CITY – Addan ti sumurok nga uppat a dekada nga aktibo iti show business ti aktor a ni Joel Torre.
Segun kenkuana, saanna pulos a malipatan ti nagbalin a pammagbaga kenkuana ni Vic Silayan idi agkatrabahoda iti pelikula a Karnal idi 1983.
Inbatad ti aktor a pudno a napabilib isuna iti kinalaing nga artista ni Vic idi sibibiag pay daytoy.
Kuna ni Joel a maysa pay ni Cherie Gil kadagiti artista a napabilib isuna.
Maipalagip nga immuna a nagkatrabahoan ti dua iti pelikula nga Oro, Plata, Mata idi 1982.
