LAOAG CITY – Inadmitir ni John Estrada nga adda mapaspasaran da karit ken ti asawana a ni Priscilla Meirelles.
Segun iti statement nga inruar ni John online, nabayagen a saanda nga agkinnaawatan isu nga agpada nga inkeddengda ti “ag-break.”
Naiget nga inlibak ti aktor nga adda ti nagbaetanda iti maysa a babai nga agnagan iti Lily Hillman.
Kinuna ni John, naam-ammona laeng ni Lily bayat ti panagbakasionna idiay Boracay.
