LAOAG CITY – Napagsasaritaan iti online ti maysa a joint baby shower dagiti lima a babbai gapu ta maymaysa laeng nga ama ti sikog dagitoy.
Nakaawat ti panangbabalaw manipud kadagiti netizens ti American rapper a ni Zeddy Will kalpasan a nangorganisar daytoy ti baby shower para kadagiti lima a babbai a pinaggegeddanna a sinikogan.
Nangrugi a napagsasaritaan ti maysa nga isyu kalpasan a nag-post ti invitation ti maysa kadagiti nasikogan ni Will a ni Lizzy Ashleigh.
Ti imbitasion ket napauloan ti “Welcome Little Zeddy Wills 1-5”. Mabasa iti post ni Ashleigh nga inimbitaranna dagiti pagayamna ken kabagianna tapno agatendar iti joint baby shower pakairamanan dagiti uppat a dadduma pay a nasikogan ni Will.
Ti baby shower ket maysa a party a masansan nga iyus-uswat sakbay nga agpasngay ti maysa a masikog.
Naipalaon iti imbitasion ket ti ladawan ni Will, Ashleigh kaduada ti uppat a babbai a nasikogan met ni Will nga isuda Bonnie B, Kay Merie, Jylene Vila ken Iyanla Kalifa Galletti.
Ad-adda pay a nagbalin nga eskandalo gapu iti simmaruno a pinost ni Ashleigh a maysa a bidyu no sadinno ket naragsak a nagkakadua ken nangselebrar dagiti lima a masikog iti baby shower.
Adda ti caption ti bidyu a mangibagbaga a maawatanda dagiti lima ti tumunggal maysa ken ibilangda a dakkel dagitoy a pamilia.
