LAOAG CITY – Legend no ibilangen da Jo-Mar wenno Jolina Magdangal ken Marvin Agustin kas mabigbigbig isuda a klasik a love team ditoy Pilipinas idi 90’s isu a maysa a nostalgic nga experience ti marikrikna dagiti fans dagitoy kalpasan a maminsan manen nga agkadua iti maysa a pelikula nga inawagan nga ‘Ex Ex Lovers.’
Ti maysa pay a banag a mangpappapintas ti partnership-da ket ti kinapudnona a saanda a nagkarelasion iti pudno a biag. Tultulunganda ti onscreen romance nga agbayag rason nga agtultuloy ti nabara a panagkilig ken panagbilib dagiti fans-da.
No nagkarelasionda iti pudno a biag, posible a saanen a nagpaot ti magic ti panagkaduada.
Naammoan a ti ‘Ex Ex Lovers’, nga indirek ni JP Habac, ket mangipakpakita iti maysa a divorce. Ti setting ti pelikula ket idiay Malta, maysa kadagiti naudi a pagilian a nangputar ti linteg a mangipalubos ti diborsio.
