LAOAG CITY – Nagkallaysan ti komediante a ni Jose Manalo ken iti nobiana a ni Mergene Maranan.
Naiyuswat ti beach wedding idi Disiembre 17 idiay Boracay.
Iti online account dagiti kakaduada iti showbiz ket inburayda dagiti sumagmamano a ladawan ken bidyu iti kasarda.
Nagbalin a pribado laeng ti okasion nga agpapada a nasisinged a pagayam ken kabagian ti nagatendar iti panagkasarda.
Maipalagip nga iti napalabas a bulan idi allukoyen ti komediante ti dati nga EB Babe dancer ti kasar.
Nagsina ti komediante ken ti datina nga asawa a ni Anna Lyn Santos a pimmusay idi Enero 2022 iti tawenna a 54.
Addaanda ti lima nga annak a pakairamanan dagiti aktor nga isuda Benj ken Nicco Manalo.
