LAOAG CITY – Maysa a journalist idiay Ghana ti nakagun-od ti world record kalpasan nga inarakupna nga awan ti panaginana ti kayo iti nasurok 24 nga oras.
Kinumpirmaran ti records keeping organization a Guinness World Records a ni Abdul Hakim Awal ti baro a world record holder ti titulo a “Longest Time to Hug a Tree” kalpasan nga inarakupna ti kayo iti uneg ti 24 nga oras ken 21 minuto.
Saan a kas kadagiti dadduma a marathon iti Guinness, dagiti aggandat iti daytoy a titulo ket saan nga ag-breaktime gapu ta agpatpatnag ti record attempt-da no sadinno a nakaarakupda iti kayo.
Inbatad ni Abdul, ar-aramidenna daytoy tapno maallukoy dagiti agtutubo nga agmula ti kayo ken maisuro kadakuada ti dakes nga epekto ti deforestation.
