LAOAG CITY – Inpasigurado ti agdama a sekretaryo ti Department of Justice a ni Secretary Jesus Crispin Remulla a saan a mausar ti Office of the Ombudsman kas ‘political weapon’.
Iti panagsaludsud ti Bombo Radyo iti nasao a sekretaryo, inpasigurado na a saan a mausar ti Ombudsman kontra iti isyu ti pulitika.
Inpasingked na pay a no madutukan iti ombudsman ket inkari na a natalged ti opisina na iti ‘political harrasment’ gapu ta agbalin a patas daytoy.
Malaksid iti daytoy, inpetteng ni Remulla nga usto laeng ti panangipaay na ti ‘clearance’ iti pannakaarestar ken pannakaipatulod ni dati a Presidente Rodrigo Roa Duterte iti International Criminal Court.
Innayon ni Justice Secretary Remulla nga adda ti umdas a pagibasaran daytoy tapno maipatulod ti dati a presidente iti The Hague, Netherlands.
