K-9 Handler iti Phil-am Life, narekobre ti bangkay na iti uneg a mismo ti nasao a kompany

LAOAG CITY – Narekobre ti bangkay ti maysa a lalaki iti uneg ti compound iti Phil-am Life iti bisinidad iti Barangay 9 ditoy ciudad ti Laoag.

Nabigbig daytoy a ni Joelito Rosel y Prowel, agtawen ti 41, awanan ti asawa, taga Barangay Pinyahan, Quezon City ngem agdama nga agpapaay kas K-9 Handler iti nasao a kompanya.

Iti inisyal nga imbestigasyon, nakita ni Dominador Corpuz, janitor iti nasao a kompanya a nakadasay ni Rosel iti abay iti stock room ti pagpapaayan da a kompanya.

Dagus a timmawag ni Corpuz iti ambulansya ken naikabil iti Governor Roque Ablan Senior Memorial Hospital ditoy ciudad ti Laoag ngem naideklara a dead on arrival.

Segun ken ni Doctor Lynette Formantes, City Health Officer, iti panangiyuswat da iti post mortem examination ket naduktalan addan agarop lima nga oras a pimmusay ni Rosel gapu ti hypertension.