LAOAG CITY – Ibilang ni K Brosas dagiti tallo a napasamak iti biagna a dakkel a parabor manipud iti Dios.
Umuna, ti panagsubli ti Sing Galing! ti videoke game show ti Kapatid Network.
Maikadua, ti panagballigi iti kaso nga inpilana idi Septiembre 2021 kontra iti dati a contractor ti pagtaenganda.
Maikatlo, ti acting award a napangabakanna.
Naiyuswat ti event iti maysa a bar idiay Greenhills, San Juan a kukua da Anne Curtis ken Karylle Tatlonghari-Yuzon.
Mangrugi inton Marso 1, 2025, mabuya ti third season ti Sing Galing!
Nagyaman ni K gapu ta kaduana latta ni Randy Santiago, dagiti host ti top-rating program ti Kapatid Network.
