LAOAG CITY – Napalaos ti ragsak dagiti fans ti Kpop Star a ni Lee Ji-eun wenno mas am-ammo iti nagan nga IU idi kantaenna ti maysa nga Original Pilipino Music hit a ‘Pasilyo’ iti kaliplippas a concert daytoy iti Philippine Arena.
Malaksid iti napintas a panagkantana, napabilibna pay dagiti fans-na gapu ta kinabisado ken inadal a naimbag ti nasao a Kpop singer-actress ti lyrics ken tono ti nadakamat a kanta.
Ti nasao a ‘Pasilyo’ ket pinartuat mismo ti banda a SunKissed Lola manipod iti Pilipinas ken daytoy ket maipanggep iti ay-ayatenna a kayatna nga ipaay ti biagna iti daytoy nga arig maysa a wagas ni IU iti panangipakita ti koneksion ken regalo para kadagiti Uaena.
Kabayatanna, nagpaut ti tallo nga oras ti nasao a concert ken dumanon iti 28 ti kinantana pakairamanan dagiti self-composed a kanta.
